ඉතිහාසය

පුලතිසි පුරවරයේ පොළොන්නරු නගරයට මදක් ඈතින් පිහිටි සොබාව සෞන්දර්යෙන් පිරිපුන් කඩවලවැව නම් සොදුරු ගම් පියසෙහි දරු දැරියන්ගේ අධ්‍යාපන සා පිපාසාව සන්සිදුවන්නාවූ එකම විදු පියස කඩවලවැව විද්‍යාලයයි.

වර්ෂ 1971.වප් මස 15 වන කිවි දින කඩවලවැව ගම් මැද්දේ නිල නිවාස 3කින් හා එක් ගොඩනැගිල්ලකින් ඇරඹි කඩවලවැව විද්‍යාලයේ මුල් ගුරුතුමා වූයේ එම් ඩී සේරම් මහතාය.එතුමා සමග යෝගානන්ද ගුරුතුමාත් බේබිනෝනා ගුරුතුමියත් සිසු දරුවන්ගේ අධ්‍යාපන කටයුතු සදහා උප ගුරුවරුන් ලෙස එක්වී ඇත.

පාසලේ පලමු සිසුවා ලෙස ඒ.ජී.පී චන්ද්‍රසේන සිසුවා 1971 වප් මස 15 දින මෙම පාසලට ඇතුලත් කරන්නා ලදී.එතැන් පටන් 1 ශ්‍රේණියේ සිට 13 ශ්‍රේණිය දක්වාම පන්ති ආරම්භ කර ඇත.දිනෙන් දින සිසුන් ප්‍රමාණය වැඩිවත්ම පාසලේ භෞතික සමපත්ද  වැඩිවන්නට විය.

1971 පටන් මේ දක්වා ගම්වැසියන්ගේ ශ්‍රම දායකත්වයෙන්ද දානපතීන්ගේ ධන පරිත්‍යාගයන්ගෙන්ද ගොඩ නැගුණු මෙම විද්‍යාලය ප්‍රදේශයේ දරු දැරියන් විශාල ප්‍රමාණයකගේ නැණ පහන් දල්වමින් අඛන්ඩව පවත්වාගෙන යනු ලබයි.